Luftforsvarets base på Haakonsvern
I 2016 stod Luftforsvarets base for nye helikopter klar på Haakonsvern utanfor Bergen. Basen er bygd for å huse seks nye helikopter av typen NH90.
Helikopterfasilitetane skal huse dei seks nye NH90-helikoptera til Luftforsvaret, som skal ha base på Haakonsvern. Luftforsvaret sine NH90-helikopter på Haakonsvern skal stø fregattvåpenet og Kystvakta. Byggjearbeida tok til i 2014 og vart ferdigstilte i 2016.
Fleire nye bygg
Byggjeprosjektet omfattar hangarar, kontor og plassar for oppstilling av helikopter på Haakonsvern. Kontor og rom for operative funksjonar er etablert i eit eksisterande kontorbygg, medan det er bygd ein ny hangar med plass for vedlikehald, garasjering og klargjering av NH90. I tillegg er det etablert verkstader, lager for utstyr og omkledingsrom.
Prosjektet inneber også ein ny veg opp til Store Bogøy.
Arkitekt er Norconsult.
Foto i bildekarusell:
Bilde 1-4: Forsvaret/ Jakob Østheim
Bilde 5 og 6: Forsvaret/ Lars Røraas
Publisert: mandag 23. mars 2015 Sist endret: torsdag 29. juni 2017