Vi vart oppretta i 2002, og er i dag den største offentlege eigedomsaktøren i Noreg.
I dag varetek vi Forsvaret sine behov gjennom planstyrt vedlikehald og fornying av den totale eigedomsporteføljen med 12 829 bygg og anlegg, på totalt 4 027 085 kvadratmeter bygningsmasse, fordelt over heile landet.
Dei totale kostnadene for 2023 var 11,7 milliardar kroner. Sidan 2001 har vi avhenda 3,1 millionar kvadratmeter ikkje føremålstenleg eigedom. Sal av eigedom har gjort at forsvarssektoren har fått attende rundt 5,8 milliardar kroner netto til høgare prioriterte oppgåver.
Forsvarsbygg er byggherre for ca 400 pågåande investeringsprosjekt i forsvarssektoren, og enkelte prosjekt for andre sektorar. I 2023 gjennomførde vi byggeprosjekt for om lag 5,4 milliardar kroner.
Vi hadde i 2023 1 557 tilsette fordelt på 1 478 årsverk. Talet tilsette vil auke i åra framover med innfasing av reinhold, og vekst i sektoren.
Vi er til stades der Forsvaret er. Hovudkontoret vårt er i Oslo.
Plassen vår i sektoren
Forsvarsbygg er ein offentleg etat, underlagt Forsvarsdepartementet.
Til saman er det fire etater i forsvarssektoren: Forsvaret, Forsvarsmateriell, Forsvarets forskingsinstitutt og Forsvarsbygg.
